Բնակավայրեր

Կամխուտը Շիրակի դարպասներից է՝ գտնվում է Գտաշեն գյուղից 2 կմ հարավ-արևմուտք։ 

Ամասիայի տարածաշրջանում գտնվող այս գյուղը մարզկենտրոնից 23 կմ հեռավորության վրա է գտնվում։

Ծովի մակարդակից բարձր է 1860 մ։ Բնակչությունը զբաղվում է անասնապահությամբ և երկրագործությամբ։

Բնակավայրը գտնվում է Շիրակի մարզի հյուսիս-արևմտյան հատվածում, բարձրությունը ծովի մակերևույթից 1700 մ է։ Կլիման չափավոր ցամաքային է։ Կամո բնակավայրում գործում է մանկապարտեզ: Այն ունի բոլոր անհրաժեշտ հարմարությունները։ 

Կայան գյուղը գտնվում է Հայաստանի Տավուշի մարզի Իջևանի տարածաշրջանում, մարզկենտրոն Իջևանից մոտ 13 կմ հյուսիս-արևելք՝ հայ-ադրբեջանական շփման գծի անմիջական հարևանությամբ։

Գյուղի միջով է անցնում Հայաստանի միջպետական Մ 4 ավտոճանապարհը։ Կայանից է սկսվում Հայաստանի հանրապետական նշանակության Հ 37 ավտոճանապարհը , որը Մ 4 ավտոճանապարհը կապում է Այգեհովիտ, Վազաշեն, Պառավաքար և Այգեպար գյուղերին։ Բնակավայրի բնակֆոնդը կազմված է հինգ և երկու հարկանի շենքերից:

Կայան գյուղը հարավ-արևելքից սահմանակից է Այգեհովիտ, հարավ-արևմուտքից՝ Ազատամուտ գյուղերին։ Բնակավայրի հյուսիս-արևելքով է անցնում հայ-ադրբեջանական շփման գիծը, որից այն կողմ գտնվում է Ադրբեջանի Հանրապետության Բալա Ջաֆարլի գյուղը։ Կայանի հյուսիսով հոսում է Աղստև գետը։

Կապան քաղաքը գտնվում է Հայաստանի հարավ-արևելյան մասում, Խուստուփ լեռան հյուսիսային ստորոտին, Ողջի գետի հովտում, ծովի մակարդակից 750-1050 մետր բարձրության վրա։

Պատմականորեն Կապանը հանդիսանում է Հանրապետության հանքարդյունաբերության կենտրոններից մեկը։ Կապանում կառավարության աջակցությամբ վերջին տարիներին ընթանում են քաղաքի տարբեր ենթակառուցվածքների բարեկարգման բազամթիվ աշխատանքներ։

Կապույտ գյուղը գտնվում է Հայաստանի Վայոց Ձորի մարզում, Գոմք գյուղից 3 կմ հարավ-արևելք, Ախտա գետի ձախակողմյան Կապույտ վտակի վերին հոսանքի շրջանում, համայնքի կենտրոնից հեռավորությունը 18 կմ է, իսկ Երևանից՝ 156 կմ:

Կապույտը Գոմքի կազմում է, այստեղ մարդիկ զբաղվում են հիմնականում անասնապահությամբ։ Կապույտում խոտն առատ է։ Գյուղի այցեքարտը խաչքարապատ ժայռն է։ Կապույտի ժայռափոր խաչքարերը 13-րդ դարի կեսերից են գալիս։ Տարեկան մոտ 300-400 այցելու է գալիս Կապույտ։  Առաջիկայում նախատեսվում է ասֆալտապատել Զառիթափից Կապույտ տանող 10 կմ ճանապարհը։

Բնակավայրը հիմնադրվել է 1820-ական թվականներին,որտեղ բնակություն են հաստատել Արևմտյան Հայաստանից՝ Բայազետի Տիգոր և Ակրակ գյուղերից գաղթածները: Գյուղը գտնվում է Ախուրյան գետի ձախ ափին, բարձրությունը ծովի մակերևույթից՝ 1700մ:

1925-1926 թվականններին կառուցվել է «Շիր ջրանցքը»: 1925 թվականին կառուցվել է «Պլատինա»՝ ջուրը ճիշտ օգտագործելու նպատակով: 2024թվականից սկսվել են «Կապսի ջրամբարի» կառուցման աշխատանքները: Կլիման բարեխառն է։ 

Բնակավայրը տեղակայված է Փամբակի լեռնաշղթայի ստորոտում՝ քարքարոտ ձորում՝ ծովի մակարդակից 1570 մ բարձրության վրա։

Գյուղատնտեսության մասնագիտացման ուղղությունը երկրագործությունն է։ Կառուցված է Կառնուտի ջրամբարը։ Մշակում են հացահատիկային, բանջարաբոստանային, կերային կուլտուրաներ, պտուղներ։ 2024-2025 թ․թ․ Կառնուտում սուբվենցիոն ծրագրով իրականացվում են գազաֆիկացման աշխատանքներ, ինչի արդյունքում բնակչությունը կստանա բնական գազից օգտվելու հնարավորություն, ամենայն հավանականությամբ կգործարկվեն արտադրական և հասարակական օբյեկտներ։

Կավճուտը գտնվում է Ողջի գետի վտակ Գեղիի աջափնյա ձորալանջին։ Քաջարան համայնքի հնագույն գյուղերից է։ 

Կառուցվում է նոր ջրագիծ, ամբողջությամբ արդիականցվում է ջրամատակարարման համակարգը, լուծվում է գյուղի լուսավորության հարցը, կառուցվում է պուրակ։

Կարդ գյուղը գտնվում է Գեղի գետի Կարդ գետակի ափին, 1900 մ բարձրության վրա՝ Քաջարան քաղաքից 29՝ կմ հեռու։

Պահպանվել են 17-րդ դարի երկու եկեղեցիների, 12-րդ դարի ամրոցի ավերակներ, իսկ գյուղից 3 կմ հյուսիս-արևմուտք՝ Վերին Կարդ գյուղի ավերակները:Որպես բնակելի տարածք բնակեցված չէ, չկան տներ։

Կարճաղբյուր բնակավայրը գտնվում է Սևանա լճի հարավարևելյան ափին, Վարդենիս-Երևան խճուղու մոտ, ծովի մակերևույթից 2005 մետր բարձրության վրա։

Կարճաղբյուրում մեծ թափով կատարվել են ճանապարհաշինական աշխատանքներ, էներգախնայող ժամանակակից տեխնոլոգիաներ են ներդրվել, բարեկարգվել են ներհամայնքային ճանապարհները:

Կարճաղբյուրում երեխաների համար ստեղծվել է ֆուտբոլի թիմ։ 

Կարճևան գյուղը Մեղրիից հեռու է 5 կմ,  ծովի մակարդակից բարձր է 920 մ: Որպես հնագույն բնակավայր գոյություն է ունեցել 12-րդ դարում։ Դեռ 1870-ականներին այստեղ դպրոց է գործել։ 

Կարճևանը գտնվում է լավ դիրքում, գեղեցիկ տեսարաններով շրջապատված, գեղատեսիլ վայրում։ Գյուղացիների մեծ մասը աշխատում է Ագարակի կոմբինատում։

Կարմիր Աղեկ բնակավայրը տեղակայված է ծովի մակարդակից 1250 մ բարձրության վրա՝ ՀՀ հյուսիս-արևմտյան  մասում։ Գյուղը Ալավերդի քաղաքաից հեռու է 25 կմ։  Ունի տափաստանային գոտուն բնորոշ կլիմա, եղանակը մեղմ է, բարեխառն: Մշակելի հողերը գտնվում են թեք հարթությունների թույլ թեք և միջին թեք լանջերի վրա:

Համայնքի տարածքում զարգացող բնական բուսական ծածկույթը բաղկացած է հացազգի, թիթեռնակածաղկավոր բույսերից, թփուտներից և անտառային բույսերից: