Բնակավայրեր

Կուրթան բնակավայրը գտնվում է Լոռու մարզի Գյուլագարակ համայնքում: Բնակավայրը ծովի մակարդակից՝ 1260 մ բարձրության վրա է: Կլիման ձմռանը ցրտաշունչ է, ամռանը՝ զով։

Բնակավայրն ապահովված է կենտրոնացված ջրամատակարարմամբ, ունի 5 ենթակայան, ամբողջությամբ գազաֆիկացաված է, բնակավայրում տեղադրված են հակակարկտային կայաններ:

Բնակչությունը զբաղվում է անասնապահությամբ, հողագործությամբ և մեղվաբուծությամբ։

Կուրիս գյուղը գտնվում է Մեղրի գետի աջ կողմում, ծովի մակարդակից 1365 մ բարձրության վրա: 

Արևելյան կողմում կան սառնորակ աղբյուրներ, այդ թվում` «Կուրիս» հանքային աղբյուրը:

Գյուղում ջրի խնդիր չկա։ Գյուղատնտեսական գործունեության հիմնական ուղղություններն են անասնապահությունը և դաշտավարությունը:

Բնակավայրը գտնվում է ծովի մակերևույթից՝ 1880 մ բարձրության վրա։ Կլիման բարեխառն լեռնային է։ Կրաշեն բնակավայրում անցկացվել է 400 մետր նոր կոյուղի սուբվենցիոն ծրագրով։ Lead4Shirak ծրագրի աջակցությամբ և համայնքի ներդրումով վերակառուցվել է երտասարդական կետրոն՝ իր բոլոր հարմարություններով և գույքով։ Համայնքի միջոցներով Կրաշեն հիմնական ՊՈԱԿ-ում անցկացվել է եռաֆազ հոսանք, խմելու ջրի նոր ջրագիծ և նոր կոյուղի։

Կրասար գյուղը հիմնադրվել է 1829-1830 թվականներին։ Գյուղից 2 կմ հեռավորության վրա՝ Ախուրյան գետի Աշոցք վտակի վրա կառուցված է Կրասարի եռաթռիչք կամուրջը, որը շատ նման է Կարսի նշանավոր կամրջին:

Կրասարի եռաթռիչք կամուրջը վերանորոգման փուլում է. դրանով է անցնում հարևան Սեպասար տանող միակ ճանապարհը։ Այստեղ լուծվել է գիշերային լուսավորության, ջրի հարցը։ Գյուղին տրամադրվել է գյուղտեխնիկա։

Կրասարը Գուսան Շահենի ծննդավայրն է:

Կրուգլայա Շիշկա գյուղը գտնվում է Մեդովկա գյուղից 3 կմ հյուսիս, Տաշիր գետի ձախ կողմում, Բոլորկոն լեռան ստորոտում: Տաշիր քաղաքից հեռու է 6 կմ։ 

Կրուգլայա Շիշկա գյուղի մոտ կա կապարի հանք:

Հագվին գտնվում է Ալավերդի քաղաքից 2 կմ արևելք, Դեբեդ գետի ձախ կողմում, ծովի մակարդակից 1200 մ բարձրության վրա։ Կլիման բարեխառն է, ձմեռը՝ մեղմ, ամառը՝ զով։ 

Գյուղի ճանապարհը ասֆալտապատ է, գյուղը գազաֆիկացված է, տեղադրված է գիշերային լուսավորության համակարգ։ Գյուղում տեղադրվել է հակակարկտային կայան։

Հագվիում մոդուլային տիպի նոր դպրոց է կառուցվել։ Ժամանակակից դպրոցը ունի համակարգչային սենյակ, ընթերցասրահ, սպորտդահլիճ և այլն։

Հալիձրը գտնվում է Որոտան գետի ձախ ափի մոտ՝ ծովի մակարդակից 1300-1350 մ բարձրության վրա։ Սյունիքի մարզի մարզկենտրոն Կապան քաղաքից հեռու է 62 կմ։ Մոտակա քաղաքը Գորիսն է, որից հեռու է 12 կմ դեպի հարավ-արևմուտք։

Բնակավայրն ունի բազմադարյա պատմություն և հարուստ է պատմամշակութային հուշարձաններով։ Այստեղ է գտնվում Հայաստանի զբոսաշրջային ամենահայտնի ուղղություններից մեկը՝ Տաթևեր ճոպանուղի-Տաթևի վանք երթուղին։

Հաղարծին գյուղը գտնվում է ՀՀ Տավուշ մարզի Դիլիջան համայնքի հյուսիս-արևելքում՝ Աղստև գետի ափին, «Դիլիջաn աղգային արգելոց»ի տարածքում։Գյուղի տարածքով են անցնում Աղստևի 3 ձախակողմյան վտակները։Ծովի մակերևույթից բարձրությունը 980-1050 մետր է։ Ունի բարեխառն, մեղմ կլիմա։ 

Հաղարծին գյուղի վրա է խոյանում Եղեգնասար լեռը(2670մ) , իսկ անմիջապես մոտակայքում գտնվում է հայկական ճարտարապետության մարգարիտը՝ Հաղարծնի վանական համալիրը(11-13դդ)։ 

Հաղարծինը տարածաշրջանի կարևոր խաչմերուկներից մեկն է, քանի որ նրա միջով են անցնում Բերդ- Իջևան- Դիլիջան- երևան, Բերդ- Իջևան- Դիլիջան- Վանաձոր մայրուղիները։

Հաղարծինը կապված է համայնքային կենտրոնի և այլ համայնքների հետ  միկրոավտոբուսային երթուղիներով՝ վեցօրյա ժամանակացույցով։

Հաղթանակ համայնքը գտնվում է Նոյեմբերյան քաղաքից մոտ 8 կմ հյուսիս-արևմուտք` Դեբեդ գետի աջափնյակում, ՀՀ պետական սահմանից 3.5 կմ հեռավորության, ծովի մակարդակից 600 մ բարձրության վրա։

Կլիման չոր մերձարևադարձային է։ Ձմեռը կարճատև է ու մեղմ, գարունը կարճատև է, անձրևային։ Հողերը բերրի են։ Հայտնի է իր բերրի այգիներով։ Գյուղացիները բերքն իրացնում են նաև Երևան-Թբիլիսի ավտոճանապարհին։

Գազաֆիկացված է, ճանապարհների վիճակը՝ բարվոք։ Կառավարության աջակցությամբ նոր մանկապարտեզ է կառուցվել։

Հաղպատ գյուղը գտնվում է Հայաստանի հյուսիս-արևելյան տարածքում։ Հաղպատը ծովի մակերևույթից բարձր է 950-1050 մետր: Տեղակայված է Ալավերդի համայնքից 12 կմ հեռավորության վրա: Գյուղի  տարածքով  է  անցնում  պետական Մ-6 մայրուղին: 

Բնակավայրը գազաֆիկացված է, ապահովված է շուրջօրյա ջրամատակարարմամբ, լուսավորված են գրեթե բոլոր փողոցները, ունի բարեկարգ և ասֆալտապատված ճանապարհ, գործում է կանոնավոր աղբահանություն: 

Հայկաձոր գյուղը գտնվում է Մարալիկի տարածաշրջանում, Մարալիկ քաղաքից 18 կմ հարավ-արևմուտք, Ախուրյան գետի, Գյումրի-Երևան ավտոմայրուղու ձախ կողմում, հարթավայրում` ծովի մակարդակից 1450 մ բարձրության վրա: 

Բնակավայրը գազաֆիկացված է։ Գյուղի շրջակայքում կան սև և սպիտակավուն տուֆի պաշարներ, որոնք ունեն արդյունաբերական նշանակություն։ Գյուղին տրամադրվել է գյուղտեխնիկա։

Գյուղատնտեսության մասնագիտացման ուղղությունը երկրագործությունն է։ Զբաղվում են նաև խոշոր եղջերավոր անասնաբուծությամբ, թռչնաբուծությամբ։

Բնակավայրը գտնվում է հարթավայրում: Կլիման բարեխառն է։ 

Հայկասարն ունի միջնակարգ դպրոց, բուժկետ։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները հեշտ հասանելի։