Բնակավայրեր

Ամաղու գյուղը գտնվում է Վայոց Ձորի Արենի համայնքում, Արենիից հեռու է 12 կմ դեպի հարավ-արևմուտք և գտնվում է Գնիշիկ գետի ձախ ափին։ Ամաղուն ունի բարենպաստ կլիմա, լավ աշխարհագրական դիրք։ 

Տարածքն ապահովված է բջջային և ինտերնետ կապով: Բնակավայրի տարածքում է գտնվում ՀՀ ամենահայտնի զբոսաշրջային և պատմամշակութային կոթողներից մեկը՝ Նորավանքի վանական համալիրը։

Գյուղը գտնվում է Ախուրյան գետի աջ ափին, ծովի մակարդակից 1870 մ բարձրության վրա։ Գյուղատնտեսական հողահանդակները գրեթե ամբողջությամբ օգտագործվում են որպես վարելահողեր՝ կազմելով 311: Գյուղատնտեսության մասնագիտացման ուղղությունը կաթնամսատու անասնապահությունն է:

Զբաղվում են հացահատիկային, կարտոֆիլի, կերային կուլտուրաների մշակությամբ, թռչնաբուծությամբ: Բնակավայրը գազաֆիկացված է։ Ամասիայում կա կարի ֆաբրիկա։  Ամասիայում ստեղծվել է Լեգո ինժեներական լաբորատորիա, այստեղ գալիս են համայնքի բոլոր գյուղերի երեխաները։ Գյուղին տրամադրվել է գյուղտեխնիկա։

Ամոջ բնակավայրը տեղակայված է Լոռու մարզի հյուսիս-արևելյան բարձրադիր սարահարթի վրա՝ Օձուն գյուղից 1 կիլոմետր հյուսիս- արևմուտք։ Ամոջն աչքի է ընկնում բարենպաստ մեղմ կլիմայով, որը պայմանավորված է նրա տարածքի մակերևույթի համեմատաբար ոչ մեծ բարձրությամբ՝ 1200 մ ծովի մակարդակից։ 

Գյուղի փողոցները հիմնականում բարեկարգ են: Գյուղն ամբողջությամբ գազաֆիկացված է:

Ամրակից բնակավայրը գտնվում է ծովի մակարդակից է 1380 մ բարձրության վրա: Կլիման բարեխառն լեռնային է։ 

Բնակավայրն ունի շուրջօրյա էներգամատակարարում, ջրամատակարարում և գազամատակարարում:

Բնակավայրը գտնվում է Շիրակի մարզում։ Բարձրությունը ծովի մակերևույթից՝ 1560 մ։ Կլիման բարեխառն լեռնային է, ձմեռը տևական, հաստատուն ձնածածկույթով։ Ամառը տաք է։ Այգաբացը ունի մանկապարտեզ: Այն ունի բոլոր հարմարությունները: Կառավարության աջակցությամբ մանկապարտեզին և դպրոցին տրամադրվել է նոր գույք։ 

Այգեհատ բնակավայրը տեղակայված է Ալավերդի քաղաքից 14 կմ դեպի հարավ-արևմուտք։ Ծովի մակարդակից բարձր է 1160-1170 մ: Բնակավայրի ներքևի հատվածը գտնվում է Մ6 միջպետական ճանապարհի մոտ, իսկ վերևի հատվածը գտնվում է Հ35 ճանապարհի մոտ։ Բնակավայրում փողոցների մի մասը ասֆալտապատ են, տուֆապատ, անցկացված է գիշերային լուսավորության ցանց:

Բնակավայրը գազաֆիկացված է, ունի շուրջօրյա ջրամատակարարում, ոռոգման համակարգ, Էլեկտրական 3 ենթակայան։

Այգեհովիտ գյուղը գտնվում է մարզկենտրոնից 11 կմ հյուսիս-արևելք։ Բարձրությունը ծովի մակարդակից՝ 760 մ։  Այգեհովիտը Իջևանի ամենամեծ գյուղերից մեկն է։ Այգեհովիտի հյուսիսային տարածքով արևմուտքից արևելք հոսում է Աղստև գետը:

Գազաֆիկացված է, փողոցները լուսավորված են, ճանապարհների վիճակը՝ բարվոք։ Հիմնանորոգվել է Այգեհովիտ-Վազաշեն ջրանցքը։ Վերջին տարիներին պետբյուջեի և այլ ծրագրերի միջոցով իրականացվել են նաև դպրոցաշինական, ճանապարհաշինական և ջրաշինական աշխատանքներ։ 

Գյուղով է անցնում Իջևանից Բերդ գնացող հիմնական ճանապարհը։

Այգեձորը գտնվում է Մեղրի գետի աջ ափին՝ ծովի մակարդակից մոտ 1120 մ բարձրության վրա։  Այն կարող է նշանակալից լինել զբոսաշրջության համար, որովհետև հին գյուղատեղիում և ամբողջ շրջակայքում դեռևս պահպանված են դիտարժան եկեղեցիներ, սրբավայրեր, աղբյուրներ, խաչքարեր և բնական հուշարձաններ:

Գյուղը եղել է տարածաշրջանի ամենամեծ գյուղերից մեկը, հիշատակվում է 17-րդ դարից սկսած։ Այգեձորն ունի պղինձ-մոլիբդենային հանքավայր։

Այգեձոր գյուղը գտնվում է ՀՀ պետական սահմանից 3.5 կմ հեռավորության, ծովի մակարդակից՝ 830 մ բարձրության վրա։ Գյուղը տարածական առումով բավականին մեծ է և բաղկացած է մի քանի թաղամասերից։ Աչքի է ընկնում գեղատեսիլ բնությամբ և հայտնի է իր խաղողի այգիներով։ 

Այգեձորը գազաֆիկացված է, ոռոգման, խմելու ջրի խնդիր չունի։ Լուծված է նաև գյուղի լուսավորության հարցը։ Ապահովված է տրանսպորտով՝ դեպի շրջկենտրոն, սուբվենցիոն ծրագրի շնորհիվ ձեռք է բերվել գյուղտեխնիկա։ Կառավարության աջակցությամբ նոր մանկապարտեզ է կառուցվել, տրամադրվել է նոր գույք։ 

Այգեպար գյուղը գտնվում է ՀՀ պետական սահմանից 1.5 կմ հեռավորության վրա, ծովի մակարդակից 680 մ բարձրության վրա, կլիմայական բարեխառն գոտում։ 

Փողոցները հիմնանորոգված են, գյուղը գազաֆիկացված է։ Ապահովված է տրանսպորտով՝ դեպի շրջկենտրոն, լուսավորությամբ, ջրի խնդիրը լուծված է, սուբվենցիոն ծրագրի շնորհիվ ձեռք է բերվել գյուղտեխնիկա։ 

Այգեպարում վերջերս բացվել է նոր, ամբողջովին վերանորոգված մանկապարտեզ։ Ընթանում են տների արտաքին և ներքին հարդարման աշխատանքներ։

Այգուտը գտնվում է ծովի մակարդակից 1420 մետր բարձրության վրա, մարզկենտրոն Գավառից 93 կմ հյուսիս-արևելք։ 
Գյուղը գտնվում է մարզի ամենամեծ անտառում, աչքի է ընկնում հարուստ բուսաշխարհով և մրգատու ծառերով։  Այգուտ գյուղի տարածքով հոսում են Գետիկ և Կարատոպրակ գետերը։ 

Լուսավորության ցանց է կառուցվել բնակավայրում։ Այգուտում կառուցվում է խմելու ջրատարի արտաքին ցանց։ Գյուղում կա նաև հյուրատուն, գործում են ՀԷԿ-եր։

Այրում քաղաքը գտնվում է Հայաստանի հյուսիսային մասում՝ Բագրատաշեն-Ալավերդի մայրուղու վրա, սահմանակից է Վրաստանին։ Այստեղով են անցնում Թբիլիսի-Երևան երկաթգիծն ու ավտոմայրուղին: 

Գտնվում է Դեբեդ գետի աջ ու ձախ՝ ցածրադիր ափերին, Նոյեմբերյան քաղաքից 22 կմ արևմուտք, մեղմ կլիմայական գոտում, ծովի մակարդակից 550 մ բարձրության վրա։ Բնակավայրը հիմնադրվել է 1937 թ.։

Բնակավայրը գազաֆիկացված է, ճանապարհների վիճակը՝ բավարար։ Այրումի պահածոների գործարանը այստեղ աշխատում է 1937 թվականից, իսկ մրգի և հատապտուղների վերամշակման գործարանը՝ 2014 թվականից: Վերջին տարիներին Այրումում բացվել է բնական ցեոլիտների հանքարդյունաբերական գործարան։