Բնակավայրեր

Արփի գյուղը գտնվում է Արփա գետի հովտում։ Գյուղի միջով է անցնում Երևան-Իրան միջպետական ավտոմայրուղին։ Արփի բնակավայրը սահմանակից է հյուսիս-արևմուտքում` Աղավնաձոր, հյուսիս արևելքում` Գետափ, արևելքում` Եղեգնաձոր, հարավում` Արենի, Գնիշիկ բնակավայրերին։ Ծովի մակարդակից գյուղի միջին բարձրությունը 1100 մ է։ Գյուղի միջով հոսում է Արփա գետը։ Գետում առկա են կողակ և բեղլու ձկնատեսակներ, իսկ ակունքում` կարմրախայտ։ Կլիման խիստ չոր է և ցամաքային։ 

Գյուղն ապահովված է խմելու և ոռոգման ջրով, գազաֆիկացված է, լուսավորության համակարգ ունեն բոլոր փողոցները։ Բարեկարգ են ներհամայնքային ճանապարհները։

Արփունք գյուղը գտնվում է մարզի արևելյան մասում ՝ Սևանի լեռնաշղթայի ստորոտին, Մասրիկ գետի վերին հոսանքներում՝ ծովի մակարդակից 2060 մ բարձրության վրա։ 

Կառավարության աջակցությամբ ընթացող խմելու ջրատարի արտաքին ցանցի կառուցման աշխատանքները ավարտական փուլում են։ Էականորեն ավելանում է Արփունքի տնտեսություններին մատակարարվող խմելու ջրի քանակը, բարելավվում է ջրամատակարարման որակը, ջրագիծը վերանորոգված է։

Արևածագ բնակավայրը տեղակայված է Լոռու սարահարթի արևելյան հատվածում, Ձորագետի ստորին հոսանքի բարձրադիր ձախակողմյան մասում՝ ծովի մակարդակից 1160 մ բարձրության վրա։ Գյուղի տարածքը հիմնականում հարթ է։ Ալավերդի քաղաքից գտնվում է 14 կմ հարավ։

Գյուղի ճանապարհները բարեկարգ են, բնակարանները գազաֆիկացված, ապահովված մշտահոս խմելու ջրով, բոլոր փողոցները ապահովված են գիշերային լուսավորությունով։

Արևաշող բնակավայրը տեղակայված է Սպիտակ քաղաքից 4 կմ դեպի հյուսիս-արևելք՝ «Օձիձոր» գետի ափին։ Ծովի մակարդակից բարձր է 1730-2837մ: Բնակավայրի կլիման լեռնային բարեխառն է: 

Բնակավայրի գլխավոր փողոցը ինչպես նաև Սպիտակ քաղաքից մինչև բնակավայր տանող ճանապարհը ասֆալտապատ է, անցկացված է գիշերային լուսավորության ցանց:

Բնակավայրը մոտ է Վանաձոր - Գյումրի ավտոմայրուղուն (հեռավորությունը 2,52կմ), ինչպես նաև Սպիտակի երկաթուղային կայարանին (հեռավորությունը 3,7կմ):

Բնակավայրը գտնվում է ծովի մակերևույթից 1500մ բարձրության վրա: Գյուղն ունի շուրջօրյա ջրամատակարարում, գազաֆիկացվում է։ Վերջին տարիներին բնակավայրում նկատվում է լուրջ տեղաշարժ դրական առումով, իրականացվել են սոցիալ-տնտեսական նշանակության մի քանի ծրագրեր, որոնք զգալի ազդեցություն են թողել ազգաբնակչության կենսակերպի վրա:

Արևիս գյուղը գտնվում է ծովի մակարդակից 1950 մ բարձրության վրա, Սիսիան քաղաքից մոտ 16 կմ հարավ-արևմուտք, մարզկենտրոնից 120 կմ հյուսիս-արևմուտք։

Գյուղը գիշերային լուսավորությամբ է ապահովվել, խմելու ջրի խնդիրը լուծված է։ Շրջակայքում կան մոլիբդենի և պղնձի հանքավայրեր։ Գյուղում կա ՀԷԿ։ Գյուղացիներին տրամադրվել են պտղատու ծառերի տնկիներ։

Բնակավայրը գտնվում է Արագածի հյուսիս-արևմտյան լանջին, ծովի մակերևույթից 1960 մետր բարձրության վրա: Դիրքը լեռնային է։ Համայնքը սահմանակից է Մեծ Մանթաշ, Փոքր Մանթաշ, Նորաշեն և Սպանդարյան գյուղերին: Բնակչությունը զբաղվում է անասնապահությամբ ու հողագործությամբ, մշակում են հացահատիկային և բանջարաբոստանային կուլտուրաներ, հիմնականում գազար և կարտոֆիլ: 

Աքորի բնակավայրը տեղակայված է Ալավերդի քաղաքից 3կմ հարավ-արևելք, Լալվար լեռան հարավարևելյան ստորոտին: Գյուղը գտնվում է ծովի մակերևույթից 1050մ բարձրության վրա:Կլիման բարեխառը լեռնային է։ Բարեխառն կլիմայական պայմանները և բնությունը բարենպաստ պայման են հանդիսանում էկոտուրիզմը զարգացնելու համար:

Բաբիկավան գյուղը մաս է կազմում Քաջարան համայնքի։ Բաբիկավանում հիմնականում զբաղվում են անասնապահությամբ, դաշտավարությամբ:

Վերջերս հիմնանորոգվել են Բաբիկավան բնակավայրի բազմաբնակարան շենքերի բակերը։ Բաբիկավանում մարզադաշտով նոր խաղավայր է կառուցվել։

Բագարան գյուղը գտնվում է Արմավիրի մարզում, մարզկենտրոնից 39 կմ հարավ-արևմուտք։ 

Ունի խմելու ջրի ու ոռոգման համակարգ, նաև՝ աղբյուրներ։ Բագարանի ճանապարհը ասֆալտապատ է: Գյուղում բացվել է «Արմաթ» խմբակ-լաբորատորիա, որտեղ երեխաները կարող են սովորել ծրագրավորում: 

Հյուղում գազիֆիկացման աշխատանքներ են կատարվում։

Բագրավան գյուղը գտնվում է Ախուրյան գետի ձախ ափին, ծովի մակարդակից 1460 մ բարձրության վրա: Այն իր մեջ ընդգրկում է Նորշեն և Բագրավան բնակավայրերը։ 

Բագրավանում Անի պատմական մայրաքաղաքը ներկայացնող գյուղական թանգարան ու իջևանատուն է կառուցվում։ Բագրավանի մի օրինակով որոշել են ցույց տալ ու օգտագործել գյուղերի զբոսաշրջային ներուժը։

Հողերը ոռոգվում են Ահագչիի ջրանցքից, տրամադրվել է գյուղտեխնիկա։ Սուբվենցիոն ծրագրով վերանորոգվում է մանկապարտեզի շենքը։ Բարեկարգվում է Բագրավանի կայարանը։

Բագրատաշեն բնակավայրը գտնվում է Նոյեմբերյան քաղաքից հյուսիս-արևմուտք, Դեբեդ գետի աջ ափին, ՀՀ և Վրաստանի սահմանագլխին։ Համարվում է ՀՀ ամենահյուսիսային, ամենացածրադիր և ամենատաք բնակավայրերից մեկը։ 

Ոռոգման ջրագծերը լայն հնարավորություն են ստեղծել բնակավայրում գյուղատնտեսական աշխատանքներ իրականացնելու համար։ Ծովի մակարդակից ընդամենը 380 մ բարձրության վրա աճեցվում է ձիթապտուղ, դեղձ, խաղող, նուռ, թուզ, ձմերուկ. սեխ, լոլիկ և այլն։ Ունի չոր մերձարևադարձային կլիմա։ Ձմեռը մեղմ է, հաստատուն ձյունածածկույթ չի ստեղծվում։ Հունվարի միջին ջերմաստիճանը բարձր է 0º-ից։ Անսառնամանիք օրերի թիվը անցնում է 220-ից, որը մոտ է ՀՀ ամենաբարձր ցուցանիշին։

Փողոցներն ասֆալտապատ են, անցկացված է փողոցային լուսավորություն։ Բագրատաշենում նոր մոդուլային մանկապարտեզ, նոր դպրոց է կառուցվում։