Ամաղու գյուղը գտնվում է Վայոց Ձորի Արենի համայնքում, Արենիից հեռու է 12 կմ դեպի հարավ-արևմուտք և գտնվում է Գնիշիկ գետի ձախ ափին։ Ամաղուն ունի բարենպաստ կլիմա, լավ աշխարհագրական դիրք։
Տարածքն ապահովված է բջջային և ինտերնետ կապով: Բնակավայրի տարածքում է գտնվում ՀՀ ամենահայտնի զբոսաշրջային և պատմամշակութային կոթողներից մեկը՝ Նորավանքի վանական համալիրը։
Գյուղը գտնվում է Ախուրյան գետի աջ ափին, ծովի մակարդակից 1870 մ բարձրության վրա։ Գյուղատնտեսական հողահանդակները գրեթե ամբողջությամբ օգտագործվում են որպես վարելահողեր՝ կազմելով 311: Գյուղատնտեսության մասնագիտացման ուղղությունը կաթնամսատու անասնապահությունն է:
Զբաղվում են հացահատիկային, կարտոֆիլի, կերային կուլտուրաների մշակությամբ, թռչնաբուծությամբ: Բնակավայրը գազաֆիկացված է։ Ամասիայում կա կարի ֆաբրիկա։ Ամասիայում ստեղծվել է Լեգո ինժեներական լաբորատորիա, այստեղ գալիս են համայնքի բոլոր գյուղերի երեխաները։ Գյուղին տրամադրվել է գյուղտեխնիկա։
Այգեհովիտ գյուղը գտնվում է մարզկենտրոնից 11 կմ հյուսիս-արևելք։ Բարձրությունը ծովի մակարդակից՝ 760 մ։ Այգեհովիտը Իջևանի ամենամեծ գյուղերից մեկն է։ Այգեհովիտի հյուսիսային տարածքով արևմուտքից արևելք հոսում է Աղստև գետը:
Գազաֆիկացված է, փողոցները լուսավորված են, ճանապարհների վիճակը՝ բարվոք։ Հիմնանորոգվել է Այգեհովիտ-Վազաշեն ջրանցքը։ Վերջին տարիներին պետբյուջեի և այլ ծրագրերի միջոցով իրականացվել են նաև դպրոցաշինական, ճանապարհաշինական և ջրաշինական աշխատանքներ։
Գյուղով է անցնում Իջևանից Բերդ գնացող հիմնական ճանապարհը։
Այգեձորը գտնվում է Մեղրի գետի աջ ափին՝ ծովի մակարդակից մոտ 1120 մ բարձրության վրա։ Այն կարող է նշանակալից լինել զբոսաշրջության համար, որովհետև հին գյուղատեղիում և ամբողջ շրջակայքում դեռևս պահպանված են դիտարժան եկեղեցիներ, սրբավայրեր, աղբյուրներ, խաչքարեր և բնական հուշարձաններ:
Գյուղը եղել է տարածաշրջանի ամենամեծ գյուղերից մեկը, հիշատակվում է 17-րդ դարից սկսած։ Այգեձորն ունի պղինձ-մոլիբդենային հանքավայր։
Այգեձոր գյուղը գտնվում է ՀՀ պետական սահմանից 3.5 կմ հեռավորության, ծովի մակարդակից՝ 830 մ բարձրության վրա։ Գյուղը տարածական առումով բավականին մեծ է և բաղկացած է մի քանի թաղամասերից։ Աչքի է ընկնում գեղատեսիլ բնությամբ և հայտնի է իր խաղողի այգիներով։
Այգեձորը գազաֆիկացված է, ոռոգման, խմելու ջրի խնդիր չունի։ Լուծված է նաև գյուղի լուսավորության հարցը։ Ապահովված է տրանսպորտով՝ դեպի շրջկենտրոն, սուբվենցիոն ծրագրի շնորհիվ ձեռք է բերվել գյուղտեխնիկա։ Կառավարության աջակցությամբ նոր մանկապարտեզ է կառուցվել, տրամադրվել է նոր գույք։
Այգեպար գյուղը գտնվում է ՀՀ պետական սահմանից 1.5 կմ հեռավորության վրա, ծովի մակարդակից 680 մ բարձրության վրա, կլիմայական բարեխառն գոտում։
Փողոցները հիմնանորոգված են, գյուղը գազաֆիկացված է։ Ապահովված է տրանսպորտով՝ դեպի շրջկենտրոն, լուսավորությամբ, ջրի խնդիրը լուծված է, սուբվենցիոն ծրագրի շնորհիվ ձեռք է բերվել գյուղտեխնիկա։
Այգեպարում վերջերս բացվել է նոր, ամբողջովին վերանորոգված մանկապարտեզ։ Ընթանում են տների արտաքին և ներքին հարդարման աշխատանքներ։
Այգուտը գտնվում է ծովի մակարդակից 1420 մետր բարձրության վրա, մարզկենտրոն Գավառից 93 կմ հյուսիս-արևելք։
Գյուղը գտնվում է մարզի ամենամեծ անտառում, աչքի է ընկնում հարուստ բուսաշխարհով և մրգատու ծառերով։ Այգուտ գյուղի տարածքով հոսում են Գետիկ և Կարատոպրակ գետերը։
Լուսավորության ցանց է կառուցվել բնակավայրում։ Այգուտում կառուցվում է խմելու ջրատարի արտաքին ցանց։ Գյուղում կա նաև հյուրատուն, գործում են ՀԷԿ-եր։
Այրում քաղաքը գտնվում է Հայաստանի հյուսիսային մասում՝ Բագրատաշեն-Ալավերդի մայրուղու վրա, սահմանակից է Վրաստանին։ Այստեղով են անցնում Թբիլիսի-Երևան երկաթգիծն ու ավտոմայրուղին:
Գտնվում է Դեբեդ գետի աջ ու ձախ՝ ցածրադիր ափերին, Նոյեմբերյան քաղաքից 22 կմ արևմուտք, մեղմ կլիմայական գոտում, ծովի մակարդակից 550 մ բարձրության վրա։ Բնակավայրը հիմնադրվել է 1937 թ.։
Բնակավայրը գազաֆիկացված է, ճանապարհների վիճակը՝ բավարար։ Այրումի պահածոների գործարանը այստեղ աշխատում է 1937 թվականից, իսկ մրգի և հատապտուղների վերամշակման գործարանը՝ 2014 թվականից: Վերջին տարիներին Այրումում բացվել է բնական ցեոլիտների հանքարդյունաբերական գործարան։
Այրք գյուղը գտնվում է Վարդենիսից 7 կմ հարավ-արևելք, մարզկենտրոն Գավառից՝ 80 կմ հարավ-արևելք։ Հիմնադրվել է 19-րդ դարի սկզբներին: Այրքը հին ուրարտական բնակատեղի է եղել։
Գյուղում առկա է ջրամատակարարում։ Գործում է կոոպերատիվ, որին վերջերս հատկացվել է նոր գյուղտեխնիկա։ Այրքում պետության կողմից իրականացվել է արոտների ջրարբիացման ծրագիր, կառուցվել է խմելու ջրատարի արտաքին ցանց։
Անգեղակոթը գտնվում է Կապանից 108 կմ դեպի հյուսիս-արևմուտք, ծովի մակարդակից 1800 մ բարձրության վրա: Գյուղը գազաֆիկացված է, ապահովված է խմելու ջրով։
Անգեղակոթի բնակչությունը զբաղվում է անասնաբուծությամբ, հացահատիկի և ծխախոտի մշակությամբ։ Բնակավայրում գործում են արտադրամասեր, «Անգեղակոթ» փոքր ՀԷԿ։
Անդոկավանը գտնվում է Սյունիքի մարզի Քաջարան համայնքում, Ողջի գետի ափին:
Գյուղն ամբողջությամբ գազաֆիկացված է և ապահովված արտաքին լուսավորությամբ։ Գյուղում կատարվում են մեծածավալ վերանորոգման և հարդարման աշխատանքներ։ Կառուցվել է փողոցային լուսավորության համակարգը։
Անիպեմզա գյուղը գտնվում է Ախուրյան գետի ձախ ափին։ Այն Հայաստանի արդյունաբերական գյուղերից մեկն է։ Կլիման բարեխառն լեռնային է։ Զբաղվում են նաև անասնապահությամբ, մեղվաբուծությամբ, բանջարաբոստանային կուլտուրաների մշակությամբ: Բնակավայրն ունի 7 արտադրական ձեռնարկություն։
Բնակավայրը ապահովված է ջրով։ Տարածքը հարուստ է շինանյութային պաշարներով՝ պեմզա, տուֆ և բազալտ։ Տնտեսության մասնագիտացման ուղղությունը արդյունաբերությունն է։ Զարգացած է շինանյութերի արտադրությունը։ Արդյունահանվում է պեմզա, կարմիր տուֆ։