Բնակավայրեր

Բերդավան գյուղը ՀՀ պետական սահմանից հեռու է 2.5 կմ, գտնվում է ծովի մակարդակից 650 մ բարձրության վրա։ ՀՀ ամենամեծ գյուղերից մեկն է։

Գյուղում ենթակառուցվածքների զարգացման տարբեր աջակցության ծրագրեր են իրականացվում։ Գազաֆիկացված է, ջրագիծ է վերանորոգվել, ջրամբար է կառուցվում, ոռոգման ջրով ապահովված է, ճանապարհները լուսավորված են արտաքին լուսավորության LED լուսարձակներով։

Բերքաբեր գյուղը գտնվում է մարզկենտրոն Իջևանից 17 կմ դեպի հյուսիս, ծովի մակարդակից բարձր է 500-700 մ։ Բերքաբերն ունի բարեխառն կլիմա։

Գյուղն ապահովված է արտաքին լուսավորությամբ։  Բերքաբերում  ջրատաքացուցիչներ են տեղադրվել, բնակիչներն ապահովվել են շուրջօրյա տաք ջրով։ Սուբվենցիոն ծրագրով ջրագիծ է անցկացվել. ոռոգվող հողատարածքն ընդլայնվում է։

Գյուղը գտնվում է Ամասիայից 12 կմ հարավ-արևմուտք, Շիրակի դաշտի հյուսիս-արևմուտքում, Ախուրյան գետի աջակողմյան գետահովտում` ծովի մակարդակից 1730 մ բարձրության վրա:

Բյուրակնում ընթանում են 200 տեղ հզորությամբ նոր կրթահամալիրի կառուցման աշխատանքները։

Ունի աղբյուրներ, որոնք օգտագործվում են որպես խմելու ջուր: Բյուրակնում բնակիչները տեղադրել են արևային կայաններ։ Գյուղում գործում է երթուղի։ Գյուղին տրամադրվել է գյուղտեխնիկա։ 

Բնունիսը գտնվում է ծովի մակարդակից 1760-1860 մ բարձրության, մարզկենտրոնից 114 կմ հեռավորության վրա։ Գյուղի վարչական տարածքը 1629 հա է: 

Բնակչությունը զբաղվում է անասնապահությամբ, ծխախոտագործությամբ, հացահատիկի մշակությամբ և մեղվաբուծությամբ։ Գյուղը հարուստ է պատմամշակութային հուշարձաններով: Բնունիսում բացվել է նոր հյուրատուն։

Բռնակոթը գտնվում է Որոտան գետի աջ կողմում, ծովի մակարդակից 1680-1740 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է 108 կմ, Սիսիան քաղաքից հեռու է 2-3 կմ դեպի հարավ-արևմուտք։

Գառնահովիտը գտնվում է ՀՀ Արագածոտնի մարզի հուսիս-արևմտյան մասում, Արագած լեռան արևմտյան լանջին։ Ծովի մակերևույթից 2150 մ բարձրության վրա։ Գառնահովիտը մարզկենտրոնից գտնվում է 63 կմ հեռավորության վրա, մայրաքաղաքից՝ 76 կմ։

Գյուղի տարածքները ամբողջովին բարեկարգված են։ Իրականացվել են ցերեկային լուսավորության ցանցի բարեկարգման աշխատանքներ։ Գյուղում մոդուլային տիպի դպրոց է կառուցվում։ Համայնքը նպաստավոր պայմաններ ունի գյուղատնտեսության, մասնավորապես՝ անասնապահության զարգացման համար։ Գյուղն ապահովված է խմելու և ոռոգման ջրով։

Գառնառիճը գտնվում է Ամասիա գյուղից 24 կմ հյուսիս-արևմուտք, մարզկենտրոնից՝ 37 կմ հեռավորության, ծովի մակարդակից 2020 մ բարձրության վրա: Ունի սառնորակ աղբյուրներ, որոնք օգտագագործվում են որպես խմելու ջուր:

Ջրա­գի­ծը, դե­պի խոտ­հարք տա­նող ճա­նա­պարհ­նե­րը վե­րա­նորոգ­ված են։ Շրջակայքում կան վրանավաններ։ Ճանապարհները, ջրի առուները նորոգված են։  Նպա­տակ կա Գառ­նա­ռի­ճում զար­գաց­նել գյու­ղա­կան զբո­սաշր­ջու­թյու­նը։

Գեղամաբակ գյուղը գտնվում է Վարդենիս-Սոթք ճանապարհից աջ, Վարդենիսից մոտ 5 կմ հարավ-արևելք՝ ծովի մակարդակից 2025 մ բարձրության վրա։

Գյուղում իրականացվում է ծրագիր՝ վերազինված, նոր, նախակրթարանով դպրոցական համալիր ստեղծելու համար՝ ուսումնական գործընթացն ավելի բարեկեցիկ պայմաններում իրականացնելու նպատակով։  Նախատեսվում է նաև հիմնել ժամանցի երիտասարդական կենտրոն և գրադարան: 

Գեղամասարը գտնվում է մարզկենտրոնից 101 կմ հարավ-արևելք, ծովի մակարդակից 2050 մ բարձրության վրա։ Գյուղի մոտակայքում են գտնվում Գեղամասարի ջրվեժները։ 

Գեղամասարում կառուցվել է խմելու ջրատարի ներքին ցանց, ինչի շնորհիվ հիմնովին կարգավորվել է խմելու ջրի մատակարարման խնդիրը։ Գյուղն ունի նոր մանկապարտեզ։ Գյուղում տեղադրվել է «Արմաթ» ճարտարագիտական աշխատանոց։

Գեղամասարում ցանքի տակ են մշակման ենթակա բոլոր վարելահողերը։  

Գեղանուշ գյուղը Սյունիքի մարզկենտրոն Կապան քաղաքից հեռու է մոտ 2 կմ դեպի հարավ։։

Գյուղում ակտիվ շինաշխատանքներ են։ Վերջերս կառուցվել է կարի արտադրամաս՝ նոր աշխատատեղեր ապահովելով բնակիչների համար։ Գյուղում բացվել է «Արմաթ» ինժեներական լաբորատորիա։ 

Գեղանուշում  է գտնվում Կապանի լեռնահարստացուցիչ կոմբինատի Գեղանուշի պոչամբարը։

Գեղավանք գյուղը գտնվում է Գեղի գետի ձախ ափին։

Գեղաքարը գտնվում է Վարդենիս համայնքում, մարզկենտրոն Գավառից 81 կմ հարավ-արևելք, ծովի մակերևույթից 2030 մ բարձրության վրա։

Գեղաքարի հիմնական դպրոցը միավորվել է Խաչաղբյուր գյուղի դպրոցի հետ՝ երեխաների առօրյան էլ ավելի հետաքրքիր դարձնելու համար։ Երեխաների տեղափոխության ծախսը փոխհատուցվում է պետության կողմից։

Գյուղի մոտ հայտնաբերվել են կարմիր տուֆի հանքեր։