Բնակավայրեր

Արծվանիստ գյուղը գտնվում է Սևանա լճի ափամերձ հարթավայրում, Կոթիկ գետի շրջանում։ Տեղակայված է ծովի մակերևույթից 1950 մետր հեռավորության վրա։ Գյուղը Սևանա լճից հեռու է երկու կիլոմետր։

Արճիս գյուղը գտնվում է Դեբեդ գետի աջ ափին, Այրում կայարանից 4 կմ հեռավորության վրա։ Հեռավորությունը ՀՀ պետական սահմանից՝ 6 կմ, բարձրությունը ծովի մակարդակից՝ 750 մ։ 

Բնակավայրը գազաֆիկացված է։ Համայնքի ճանապարհները հիմնանորոգված են։ Գյուղում նախատեսվում է ջրահեռացման համակարգի վերականգնում, ճանապարհաշինական աշխատանքներ։ 

Նոյեմբերյանի ամենաբերքառատ գյուղերից մեկն է, բնակիչների նախնիները հիմնականում Արցախից եկածներ են, հիմնականում հողագործությամբ կամ անասնապահությամբ են զբաղվում։

Արմանիս բնակավայրը տեղակայված է Ստեփանավան քաղաքից 4 կմ դեպի արևմուտք։ Մարզկենտրոնից՝ Վանաձոր քաղաքից հեռու է 34 կմ, մայրաքաղաք Երևանից հեռավորությունը 148 կմ է: Ծովի մակարդակից բարձր է 1520-1600 մ: Արմանիս բնակավայրը ունի լեռնային բարեխառն կլիմա։

Ստեփանավան քաղաքից մինչև բնակավայր տանող ճանապարհը ասֆալտապատ է, ամբողջությամբ անցկացված է գիշերային լուսավորության ցանց:

Արմաշ գյուղն ընկած է Երևան քաղաքից 65 կմ հեռավորության, մարզկենտրոնից գտնվում է 30 կմ հեռավորության, ծովի մակերևույթից՝ 830 մետր բարձրության վրա։ Գյուղը գտնվում է Երևան-Թեհրան հանրապետական մայրուղու վրա: 

Արմաշը գազաֆիկացված է, ներկայումս կարգավորման փուլում է գտնվում բնակավայրի խմելու ջրի ջրամատակարարման հարցը։ 

Արմավիրը զարգացած ենթակառուցվածքներով, բարենպաստ կլիմայով քաղաք է, որը հանդիսանում է գյուղատնտեսական մարզ Արմավիրի վարչական կենտրոնը: Բարձրությունը ծովի մակերևույթից 870մ է։

Բնակավայրում կան առևտրի կենտրոններ, հյուրանոցներ, ռեստորաններ, արտադարամասեր։

Արջհովիտ բնակավայրը գտնվում է Փամբակ գետի վերին հովտում, Սպիտակ քաղաքից 6 կմ հեռավորության վրա:

Այստեղով է անցնում Երևան-Վանաձոր–Թբիլիսի մայրուղին, Վանաձոր-Երևան, Վանաձոր-Գյումրի խճուղային ճանապոհը և երկաթգիծը։

Գյուղի աշխարհագրական դիրքը լեռնային է, կլիմայական պայմանները բարեխառն: Բնակավայրի բարձրությունը ծովի մակերևույթից 1580մ։

Բնակավայրը անտառամերձ է, առկա է սարերից իջնող մաքուր ջրաղբյուր,ներհամայնքային ճանապարները գրունտաին են, փողոցային գիշերային լուսավորությունը՝ 50%։

Արջուտ բնակավայրը տեղակայված է Վանաձոր քաղաքից 5 կմ հեռավորության վրա։ Ծովի մակարդակից բարձր է 1200 մ: բնակավայր բարձրացող ճանապարհը տուֆապատ է։ Բնակավայրի մեծ մասում անցկացված է գիշերային լուսավորության ցանց: 

Բնակավայրը գտնվում է Եղեգնաձոր-Սելիմ մայրուղու հյուսիս-արևելյան մասում, ծովի մակերևույթից 1650մ բարձրության վրա։ Հեռավորությունը հանրապետական նշանակության ճանապարհից`6 կմ։ Համայնքը սահմանակից է Հորբատեղի, Շատինի, Եղեգիսի և Սալլիի գյուղական համայնքներին։ 

Կլիման նպաստավոր է այգեգործության, խաղողագործության, հացահատիկային, կերային մշակաբույսերի աճեցման համար։ Գյուղի միջով հոսում է Եղեգիս գետի Էլեգիս վտակը։ Գյուղն ապահովված է ոռոգման և խմելու ջրերով, էլեկտրամատակարարմամբ։

Արտանիշ գյուղը գտնվում է Գեղարքունիքի մարզում, Սևանա լճի Արտանիշ թերակղզու ափին: Լուսավորված է, ճանապարհները՝ բարեկարգված, նոր թափով մեծ այգիներ են հիմնվում, կան բերրի դաշտեր: Առկա է 24-ժամյա ջրամատակարարում։ Արտանիշում գիշերային լուսավորության ցանց է կառուցվել, ինչպես նաև կահավորվել է հանդիսությունների սրահը: 

Արտավան գյուղը գտնվում է ՀՀ Վայոց Ձորի մարզում, Եղեգնաձոր քաղաքից 37 կմ, հանրապետական նշանակության ճանապարհից`9 կմ հեռավորության վրա, ծովի մակարդակից 1880 մ բարձրության վրա։ 

Արտավանն ընտրվել է «Վայոց Ձորի լեռնատափաստանային լանդշաֆտների պահպանությունը էկոտուրիզմի զարգացման միջոցով» ծրագրի իրականացման վայր, որին աջակցել են «Կենսաբանների հայկական միություն» հասարակական կազմակերպությունը, Բնության համաշխարհային հիմնադրամի (WWF) հայաստանյան մասնաճյուղն ու մի շարք այլ կազմակերպություններ: Գյուղն ապահովված է ոռոգման, խմելու ջրերով։

Բնակավայրը գտնվում է ծովի մակարդակից 1200 մ բարձրության վրա: Կլիման մերձարեւադարձային, չոր ցամաքային է, շոգ ու չորային ամառներով, չափավոր ցուրտ ձմեռներով: Հողերը ոռոգվում են Թալինի ջրանցքի ջրերով: Գյուղն ունի հիվանդանոց, երկու դպրոց, գրադարան, նաեւ գինու գործարան:

Արփենին գտնվում է ՀՀ Շիրակի մարզի Աշոցքի տարածաշրջանում, մարզկենտրոն Գյումրիից մոտ 21 կմ հյուսիս-արևելք։ Գյուղը գտնվում է հիմնականում 1900-1970 մ բարձրությունների վրա։ Արփենի գյուղում կլիման բարեխառն է՝ ցուրտ ձմեռներով։ Տեղումները տարեկան 400-700 մմ են կազմում։

Գյուղում համայնքային զարգացման համար տարբեր միջոցառումներ են անցկացվում։  Ամբողջությամբ վերանորոգվել է խմելու ջրի արտաքին ցանցը։

Արփենի գյուղում հիմնականում զբաղվում են անասնապահությամբ (տավարաբուծություն, ոչխարաբուծություն, թռչնաբուծություն) և բուսաբուծությամբ (հիմնականում մշակում են կարտոֆիլ)։ Արփենիում նաև զարգանում է մեղվաբուծությունը։