Բնակավայրեր

Բայանդուրը գտնվում է Ախուրյան գետի ձախ կողմում։ Բարձրությունը ծովի մակերևույթից՝ 1480 մ, հեռավորությունը մարզկենտրոնից՝ 16 կմ հարավ-արևմուտք։ Կլիման բարեխառն լեռնային է, ձմեռը տևական, հաստատուն ձնածածկույթով։ Ամառը տաք է, համեմատաբար խոնավ։

Բայանդուրում կառուցվել է նաև ոռոգման նոր համակարգ, 32 հա-ով ավելացել են ոռոգվող հողատարածքները: Աշխատանքների իրականացման ընթացքում գյուղում ստեղծվել են աշխատատեղեր:

Գյուղը գտնվում է Ախուրյան գետի ձախ ափին` ծովի մակարդակից 1940 մ բարձրության վրա: Բանդիվան գյուղի հողային տարածությունը կազմում է 1076,84 հա: Այն  ունի 64 տնտեսություն։ Գյուղում կան բազմաթիվ սառնորակ աղբյուրներ, որոնցից առանձնահատուկ է Զորավոր աղբյուրը։

Բանդիվանը հիմնովին վերակառուցվել է: Ունի իր դպրոցը, գործում է կաթնամթերքի (պանիր) և մսամթերքի արտադրամաս։ Գյուղին տրամադրվել է գյուղտեխնիկա։

Բաշգյուղը գտնվում է Հայաստանի Հանրապետության Շիրակի մարզի Աշոցքի տարածաշրջանում, մարզկենտրոն Գյումրիից մոտ 17 կմ հյուսիս-արևելք, ծովի մակերևույթից 2020 մ բարձրության վրա։

Կլիման բարեխառն լեռնային է, ձմեռը տևական, ցուրտ, հաստատուն ձնածածկույթով։ Լինում են ուժեղ քամիներ, հաճախակի են մառախուղները և ձնաբքերը։ Ամառը տաք է, համեմատաբար խոնավ։ Տարեկան տեղումների քանակը 600-700 մմ։ Բնական լանդշաֆտները սևահողային լեռնատափաստանները։

Բավրա գյուղը գտնվում է Հանրապետության հյուսիսում՝ Վրաստանի Հանրապետության սահմանից 2,5 կմ հեռավորության վրա: Ներկայումս հիմնանորոգվում է Գյումրի-Բավրա-Վրաստանի սահման մայրուղու 11․5 կմ հատվածը։

Աշոցքի տարածաշրջանում ամբողջովին դաշտավայրեր են, արոտավայրեր, բոլոր պայմանները կան անասնապահությամբ լիարժեք զբաղվելու համար։ Բավրայում լուծված է ոռոգման ջրի հարցը։ Բավրայում նոր կրթահամալիր է կառուցվում։

Գյուղում երիտասարդական կենտրոն է գործում, որը տարբեր ծրագրեր է իրականացնում, գյուղում անցկացվում են համակարգչային դասընթացներ, սեմինարներ։ Կազմակերպվում են ճամբարներ, մշակութային և մարզական միջոցառումներ։

Բարգուշատը գտնվում է Կապան քաղաքից 6 կմ դեպի հյուսիս-արևելք՝ Գորիս-Կապան ավտոճանապարհի ձախ կողմում, ծովի մակարդակից 800-900 մ բարձրության վրա։

Հարթեցված ու բարեկարգված է Բարգուշատ տանող ճանապարհը, հին լուսատուները փոխարինվել են նոր էներգախնայող լեդ լուսատուներով, ապահովված է խմելու, ոռոգման ջրով։ 

Գյուղի բնակիչների ապրելու պայմանները բարելավելու համար մի շարք աշխատանքներ են տարվել, տրամադրվել են մոտոբլոկներ և խոտհնձիչներ։

Բարեկամավան գյուղը գտնվում է ՀՀ պետական սահմանից 1 կմ հեռավորության, ծովի մակարդակից 720 մ բարձրության վրա։ Տեղի կլիման բարենպաստ է ամենատարբեր մրգերի ու բանջարեղենի աճեցման համար:  

Հանրային տրանսպորտը գործում է։ Բարեկամավանում ստեղծվել է արտաքին լուսավորության էներգախնայող և ամբողջությամբ նոր ենթակառուցվածք։

Գտնվում է Իջևան - Ճամբարակ խճուղուց հարավ` ծովի մակարդակից 1400 մ բարձրության վրա։ Բարեպատում բնակչությունը զբաղվում է անասնապահությամբ և հացահատիկի մշակությամբ։  Գյուղն ունի 40 տնտեսություն։ Բնակավայրն ապահովված է գիշերային լուսավորությամբ։

Բնակավայրում կա դպրոց, հյուրատներ։

Բարձրավանը գտնվում է մարզկենտրոն Կապանից 57 կմ դեպի հյուսիս, ծովի մակարդակից մոտ 1500-1520 մ է։ Գորիսի կենտրոնից դեպի Բարձրավան շաբաթական 2 անգամ անվճար հիմունքներով գործում է տրանսպորտ:

«Յունիսեֆի» և «Քայլ առ քայլ» բարեգործական հիմնադրամի ջանքերով փոքրիկները շաբաթը երեք օր նախակրթարան հաճախելու հնարավորություն ունեն։ Լուծված է գյուղի լուսավորության հարցը։

Բարձրունի գյուղը գտնվում է Երևանից 220 կմ հեռավորության վրա, մարզկենտրոնից 41 կմ հարավ-արևելք, ծովի մակարդակից 1950-2050 մ բարձրության վրա։ Կլիման նպաստավոր է այգեգործության, հացահատիկային, կերային մշակաբույսերի աճեցման համար։

Բարձրունին լուսավորված է։  Բնակավայրում կապի և հեռահաղորդակցության խնդիր չկա։ Գյուղն ապահովված է ոռոգման, խմելու ջրերով։ 

Բենդիկ գյուղը գտնվում է Շամլուղ քաղաքից 5 կմ հեռավորության վրա, հայ-վրացական սահմանագլխին, նախալեռնային  գոտում։

Բնակավայրը պատմամշակութային շատ կոթողներ ունի, որոնք թվագրվում են միջնադարով: Բնակչությունը հիմնականում զբաղվում է երկրագործությամբ ու անասնապահությամբ:

Գյուղը լուսավորված է, ունի ջուր մատակարարող ջրամբար։ Բենդիկում գործարկվել է երթուղայինը, շաբաթական 3 անգամ՝ Բենդիկ-Ալավերդի ուղղությամբ։

Բերդ քաղաքը գտնվում է Տավուշ գետի ձախ ափին, մարզկենտրոն Իջևանից հեռու է 54 կմ դեպի արևելք։

Քաղաքը գազաֆիկացված է։ Բերդում գործում է «Թումո» շարժական կենտրոն, ինչպես նաև ԻՄՓԱՔԹ-1 երիտասարդական ակումբը, որի գործունեությունը միտված է երեխաների քաղաքացիական ու հասարակական ակտիվության բարձրացմանը։ 

Ապահովված է տրանսպորտով՝ դեպի շրջկենտրոն, լուսավորությամբ, ջրի խնդիրը լուծված է, սուբվենցիոն ծրագրի շնորհիվ ձեռք է բերվել գյուղտեխնիկա։

Բերդաշեն գյուղը գտնվում է Ախուրյան գետի ափին, Արփի լճի արևելյան ափից ոչ հեռու, մարզկենտրոն Գյումրիից 38 կմ հյուսիս-արևմուտք։ 

Բերդաշենում ակտիվ շինաշխատանքներ են ընթանում, կառուցվում է նոր դպրոց։ Պանրի արտադրության բիզնես է հիմնվել գյուղում, որն ապահովել է նոր աշխատատեղերով։ Բերդաշենում հիմնական զբաղմունքը անասնապահությունն է: Գյուղին տրամադրվել է գյուղտեխնիկա։