Բնակավայրեր

Պաղաղբյուր գյուղը գտնվում է Տաշիր քաղաքից մոտ 20 կմ հյուսիս-արևմուտք, Վրաստանի հետ սահմանից 1 կմ հարավ։ Պաղաղբյուր է վերանվանվել 1991 թ.։ Կլիման բարեխառն լեռնային է, տևական, ցուրտ ձմեռներով: Ամեն տարի հաստատվում է կայուն ձնածածկույթ: Ամառները տաք են, համեմատաբար խոնավ: Բնակավայրում ճանապարհաշինական աշխատանքներ են կատարվում։

Պառավաքար գյուղը գտնվում է ՀՀ պետական սահմանից 2 կմ հեռավորության, ծովի մակարդակից՝ 850 մ բարձրության վրա։ Բնակիչները 1926 թ. են տեղափոխվել և բնակություն հաստատել Պառավաքարում։ 

Գյուղը գազաֆիկացված է, ապահովված է ոռոգման և խմելու ջրով։ Պառավաքարում վերջերս բացվել է նոր, ամբողջովին վերանորոգված մանկապարտեզ։

Պարույր Սևակ գյուղը գտնվում է մարզկենտրոնից 43 կմ հեռավորության, ծովի մակարդակից՝ 1170 մ բարձրության վրա։  

Գյուղում կառուցվել է ջրագծերի ներքին ցանց, հիմնանորոգվել են ներհամայնքային ճանապարհները, ասֆալտապատվել են նոր փողոցները, կատարվել է գազաֆիկացում, լուսավորության անցկացում, գործում են արևային կայաններ։

Բնակավայրում կառուցվել է մանկապարտեզ, ընթանում է նոր դպրոցի շինարարությունը։

Բնակավայրը գտնվում է գյուղ Հայաստանի Արագածոտնի մարզում, մարզկենտրոնից՝ 38 կմ հյուսիս-արևմուտք, բարձրությունը ծովի մակերևույթից 1175մ բարձրության վրա։

Բնակավայրը գտնվում է Արագած լեռան արևմտյան ստորոտում՝ ծովի մակարդակից 1780 մ բարձրության վրա: Բնակչությունը զբաղվում է բնական շինանյութերի հանույթով, Պեմզաշենը հարուստ է վարդագույն և կարմիր տուֆով, պեմզայով։ Պեմզաշենն ունի միջնակարգ դպրոց, որ բակում գործում է ջերմոցային տնտեսություն,  բուժկետ, կապի հանգույց։ Արթիկ քաղաքին և մարզկենտրոնին կապող բոլոր ճանապարհները ասֆալտապատ են և բարեկարգ, ենթակառուցվածքները՝ հեշտ հասանելի։

Պետրովկա գյուղը գտնվում է Տաշիր քաղաքից մոտ 4 կմ հյուսիս-արևելք, բարձրությունը ծովի մակարդակից 1530 մետր: Պետրովկան Վրաստանի սահմանից 4 կմ հեռավորության վրա է:

Գյուղը ամբողջությամբ լուսավորված է։ Ճանապարհներն ասֆալտապատ են։ Պետրովկայի մի մասը գազաֆիկացվել է, սուբվենցիոն ծրագրով նախատեսվում է բնակավայրի մնացած մասի գազաֆիկացում։

Պուշկինո բնակավայրը գտնվում է Գյուլագարակ համայնքի կենտրոնից 5 կմ դեպի հյուսիս-արևմուտք։ Ծովի մակարդակից բարձր է 1600 մ: Բնակավայրի կլիման բարեխառն է։ Գյուղի տարածքով անցնում է Գարգառ գետը: 

Բնակչությունը զբաղվում է անասնապահությամբ, հացահատիկի և կերային կուլտուրաների մշակությամբ։

Պտղավան գյուղը գտնվում է Նոյեմբերյան քաղաքից 23 կմ հյուսիս-արևմուտք, Դեբեդ գետի աջ ափին, ծովի մակարդակից 450 մ բարձրության վրա, Ձորագետի հարթավայրում։ Այս գյուղը շատ մոտ սահման ունի Վրաստանի հետ։ Պտղավանը մաքսակետից մեկ կիլոմետր է հեռու։ 

Ունի չոր մերձարևադարձային կլիմա։ Ձմեռը մեղմ է, կարճատև։ Հունվարյան միջին ջերմաստիճանը մոտ է 1ºC-ին։  Գարունը վաղ է գալիս և կարճատև է։ Տաք ու չորային է ամառը, տևական։ Ունի արգավանդ հողեր։ 

Թե՛ գյուղամիջյան, թե՛ դաշտամիջյան ճանապարհները խճապատվել են, ոռոգման ջուր էլ կա։ Բնակավայրում կա բարեկարգված դպրոց, իսկ մանկապարտեզը վերանորոգման փուլում է։ Գյուղն ունի իր ֆուտբոլի դաշտը։ Հայտնի է նաև իր բերրի այգիներով։ Գյուղացիները բերքն իրացնում են նաև Երևան-Թբիլիսի ավտոճանապարհին։

Պրիվոլնոյե գյուղը գտնվում է Տաշիր քաղաքից մոտ 18 կմ արևելք, Ուռուտ գետի ափին, բարձրությունը ծովի մակարդակից 1600 մետր:

Կառավարության կողմից իրականացվում է ասֆալտապատման ծրագիր։ Նախատեսված ծրագրերից է բնակավայրում գազատար ցանցի ընդլայնումը:

Ջաղացաձորը գտնվում է Գեղարքունիքի մարզի Վարդենիս համայնքում։ 

Գյուղում իրականացվում է ծրագիր՝ վերազինված, նոր, նախակրթարանով դպրոցական համալիր ստեղծելու համար՝ ուսումնական գործընթացն ավելի բարեկեցիկ պայմաններում իրականացնելու նպատակով։  Կհիմնվի ժամանցի երիտասարդական կենտրոն և գրադարան:

Բնակավայրը գտնվում  է Շիրակի լեռնաշղթայի արևմտյան հատվածում՝ ծովի մակարդակից 1700 մ բարձրության վրա։ Ունի ցուրտ կլիմա, սակավ տեղումներ։ Ջաջուռում գործում է միջնակարգ դպրոց, մանկապարտեզ, ամբուլատորիա, թանգարան։ Գյուղն ունի շուրջորյա ջրամատակարարում, տնամերձ հողերը ոռոգվող են։

Բնակավայրը գտնվում է ծովի մակերևույթից 1800 մ բարձրության վրա։ Կլիման բարեխառն լեռնային է։ Ջաջուռավան բնակավայրում սուբվենցիոն ծրագրով վերակառուցվել է մանկապարտեզը, որտեղ հաճախում են Կրաշեն, Ջաջուռավան, Մեծ Սարիար բնակավայրերի երեխաները։ Համայնքի միջոցներով անցկացվել է 500 մետր խմելու ջրագիծ։