Բնակավայրեր

Բերդաշեն գյուղը գտնվում է Ախուրյան գետի ափին, Արփի լճի արևելյան ափից ոչ հեռու, մարզկենտրոն Գյումրիից 38 կմ հյուսիս-արևմուտք։ 

Բերդաշենում ակտիվ շինաշխատանքներ են ընթանում, կառուցվում է նոր դպրոց։ Պանրի արտադրության բիզնես է հիմնվել գյուղում, որն ապահովել է նոր աշխատատեղերով։ Բերդաշենում հիմնական զբաղմունքը անասնապահությունն է: Գյուղին տրամադրվել է գյուղտեխնիկա։

Բերդավան գյուղը ՀՀ պետական սահմանից հեռու է 2.5 կմ, գտնվում է ծովի մակարդակից 650 մ բարձրության վրա։ ՀՀ ամենամեծ գյուղերից մեկն է։

Գյուղում ենթակառուցվածքների զարգացման տարբեր աջակցության ծրագրեր են իրականացվում։ Գազաֆիկացված է, ջրագիծ է վերանորոգվել, ջրամբար է կառուցվում, ոռոգման ջրով ապահովված է, ճանապարհները լուսավորված են արտաքին լուսավորության LED լուսարձակներով։

Բերքաբեր գյուղը գտնվում է մարզկենտրոն Իջևանից 17 կմ դեպի հյուսիս, ծովի մակարդակից բարձր է 500-700 մ։ Բերքաբերն ունի բարեխառն կլիմա։

Գյուղն ապահովված է արտաքին լուսավորությամբ։  Բերքաբերում  ջրատաքացուցիչներ են տեղադրվել, բնակիչներն ապահովվել են շուրջօրյա տաք ջրով։ Սուբվենցիոն ծրագրով ջրագիծ է անցկացվել. ոռոգվող հողատարածքն ընդլայնվում է։

Բերքառատ բնակավայրը տեղակայված է Արագած լեռնազանգվածի արևմտյան ստորոտում, Արթիկ քաղաքից 18 կմ հյուսիս-արևելք։ Բարձրությունը ծովի մակերևույթից՝ 2090 մ։

Բլագոդարնոյե բնակավայրը գտնվում է Սևաբերդ գետակի ձախ ափին, Տաշիր քաղաքից 12 կմ հարավ-արևմուտք, մարզկենտրոնից 60 կմ հյուսիս-արևմուտք: Բարձրությունը ծովի մակարդակից շուրջ 1600 մետր է:

Կլիման բարեխառն է։ Բլագոդարնոյե գյուղը հայտնի է իր Ալպյան մարգագետիններով։

Գյուղը գտնվում է Ամասիայից 12 կմ հարավ-արևմուտք, Շիրակի դաշտի հյուսիս-արևմուտքում, Ախուրյան գետի աջակողմյան գետահովտում` ծովի մակարդակից 1730 մ բարձրության վրա:

Բյուրակնում ընթանում են 200 տեղ հզորությամբ նոր կրթահամալիրի կառուցման աշխատանքները։

Ունի աղբյուրներ, որոնք օգտագործվում են որպես խմելու ջուր: Բյուրակնում բնակիչները տեղադրել են արևային կայաններ։ Գյուղում գործում է երթուղի։ Գյուղին տրամադրվել է գյուղտեխնիկա։ 

Բնունիսը գտնվում է ծովի մակարդակից 1760-1860 մ բարձրության, մարզկենտրոնից 114 կմ հեռավորության վրա։ Գյուղի վարչական տարածքը 1629 հա է: 

Բնակչությունը զբաղվում է անասնապահությամբ, ծխախոտագործությամբ, հացահատիկի մշակությամբ և մեղվաբուծությամբ։ Գյուղը հարուստ է պատմամշակութային հուշարձաններով: Բնունիսում բացվել է նոր հյուրատուն։

Բովաձոր բնակավայրը գտնվում է Լոռի Բերդ համայնքում: Բնակավայրը տեղակայված է  Ստեփանավան քաղաքից 4 կմ հեռավորության, ծովի մակարդակից 1430 մ բարձրության վրա: 

Ստեփանավան քաղաքից մինչև բնակավայր տանող ճանապարհը ասֆալտապատ է, իսկ ներհամայնքային ճանապարհները` տուֆ քարով սալիկապատված: Բնակավայրը ունի գիշերային լուսավորություն: Բնակավայրի տարածքով անցնում է «Լոռվա ջրանցք» ոռոգման համակարգը:

Բռնակոթը գտնվում է Որոտան գետի աջ կողմում, ծովի մակարդակից 1680-1740 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է 108 կմ, Սիսիան քաղաքից հեռու է 2-3 կմ դեպի հարավ-արևմուտք։

Բռնակոթում ընթանում են նոր և ժամանակակից դպորցի կառուցման աշխատանքներ։

Գառնահովիտը գտնվում է ՀՀ Արագածոտնի մարզի հուսիս-արևմտյան մասում, Արագած լեռան արևմտյան լանջին։ Ծովի մակերևույթից 2150 մ բարձրության վրա։ Գառնահովիտը մարզկենտրոնից գտնվում է 63 կմ հեռավորության վրա, մայրաքաղաքից՝ 76 կմ։

Գյուղի տարածքները ամբողջովին բարեկարգված են։ Իրականացվել են ցերեկային լուսավորության ցանցի բարեկարգման աշխատանքներ։ Գյուղում մոդուլային տիպի դպրոց է կառուցվում։ Համայնքը նպաստավոր պայմաններ ունի գյուղատնտեսության, մասնավորապես՝ անասնապահության զարգացման համար։ Գյուղն ապահովված է խմելու և ոռոգման ջրով։

Գառնառիճը գտնվում է Ամասիա գյուղից 24 կմ հյուսիս-արևմուտք, մարզկենտրոնից՝ 37 կմ հեռավորության, ծովի մակարդակից 2020 մ բարձրության վրա: Ունի սառնորակ աղբյուրներ, որոնք օգտագագործվում են որպես խմելու ջուր:

Ջրա­գի­ծը, դե­պի խոտ­հարք տա­նող ճա­նա­պարհ­նե­րը վե­րա­նորոգ­ված են։ Շրջակայքում կան վրանավաններ։ Ճանապարհները, ջրի առուները նորոգված են։  Նպա­տակ կա Գառ­նա­ռի­ճում զար­գաց­նել գյու­ղա­կան զբո­սաշր­ջու­թյու­նը։

Գավառը բազմաբնակավայր համայնք է, որը ձևավորվել է 2021 թվականին՝ միավորման արդյունքում: Այն գտնվում է Հայաստանի Հանրապետության Գեղարքունիքի մարզում, Սևանա լճի ավազանի արևմտյան մասում, Գեղամա լեռնաշղթայի արևելյան լանջերին։

Գավառը բազմաբնակավայր համայնք է, որը ձևավորվել է 2021 թվականին՝ միավորման արդյունքում: Այն գտնվում է Հայաստանի Հանրապետության Գեղարքունիքի մարզում, Սևանա լճի ավազանի արևմտյան մասում, Գեղամա լեռնաշղթայի արևելյան լանջերին։ Տնտեսության հիմնական ճյուղերն են՝  գյուղատնտեսություն (հողագործություն, անասնապահություն, մեղվապահություն)։